პრეზენტაციის რეფლექსია

სასწავლო  რესურსის რეფლექსია

მოსწავლეები განსაკუთრებით ინტერესით და ხალისით ეკიდებიან სწავლას, როცა მათთან გაკვეთილზე ვიყენებ ი.ს.ტ ტექნოლოგიებს. გავიარე სპეციალური ტრენინგ–კურსი და შემიძლია მათთვის შევქმნა სასწავლო რესურსი.

წარმოგიდგენთ პრეზენტაციას (სლაიდშოუ), რომელიც გამოვიყენე Vკლასში თემის „სამკუთხედი“ შესწავლისას.

გაკვეთილის მიზანი და შედეგები: მოსწავლეები შეძლებენ სამკუთხედების კლასიფიკაციას გვერდებისა და კუთხეების მიხედვით,ამოცანების ამოხსნით გაიწაფებიან სამკუთხედის ელემენტებს შორის მიმართების დადგენაში.მათ.V.7 მათ.V.8

სლაიდების ჩვენება,რომელსაც დავურთე ჩემი საუბარი, დამეხმარა მიზნის მიღწევაში. გაკვეთილის ახსნის პროცესში აქტიურად ჩაერთვნენ მოსწავლეები.

სასწავლო რესურსის ელ.მისამართი:

 ingaqasrashvili.blogspot.com./LeMill-პრეზენტაცია „სამკუთხედი“.

პროქტის რეფლექსია

პროექტის რეფლექსია

მასწავლებელმა და მოსწავლეებმა ერთად შევარჩიეთ პროექტის თემა .მოსწავლეებმა გამოთქვეს სურვილი საფუძვლიანად შეესწავლათ პითაგორას თეორემა, მისი დამტკიცება და ზოგიერთი გამოყენება –მათი ასაკის შესაბამისად.(მოტივაცია გაჩნდა პითაგორას თეორემის შესახებ ლეგენდის საფუძველზე).

გავანაწილეთ სამუშაო ჯგუფებზე.ჯგუფებმა იმუშავეს ინსტრუქციის შესაბამისად.მუშაობაში ჩართული იყო ყველა მოსწავლე, მათ შორის 2 სსსმ მოსწავლე.

პირველი ჯგუფის წევრებმა მოიძიეს ინფორმაცია პითაგორას  და პითაგორას თეორემის შესახებ. შეისწავლეს პითაგორას თეორემის დამტკიცების სხვადასხვა გზა, მათ შორის პითაგორასეული დამტკიცება, რომელიც საინტერესოდ წარადგინა პრეზენტაციაზე ბექა აბჟანდაძემ. წარმოადგინეს თავიანთი ხელით შესრულებული ნახაზების პრეზენტაცია.

მეორე ჯგუფის წევრებმა იმუშავეს პითაგორას თეორემის გამოყენებით ზოგიერთი მნიშვნელოვანი დებულების დასაბუთებაზე.კერძოდ; გამოიყვანეს ორ წერტილს შორის მანძილის გამოსათვლელი ფორმულა,წრეწირთან დაკავშირებული მონაკვეთების თვისება–ურთიერთგადამკვეთი ქორდების თვისება და ერთი წერტილიდან გავლებული ორი მკვეთის მონაკვეთის თვისება.აქ გაჩნდა სირთულე,გაუჭირდათ დასაბუთება და დაჭირდათ ჩემი დახმარება.წარმოადგინეს რამდენიმე საინტერესო ამოცანის ამოხსნა პითაგორას თეორემის გამოყენებით.

პრეზენტაციაზე მეორე ჯგუფმა საინტერესოდ წარმოადგინა მოცემული წრფის მართობულად  წრფის  გავლების ერთი პრაქტიკული ხერხი, რომელსაც უძველეს დროში ეგვიპტური პირამიდების ასაგებად იყენებდნენ.

ორივე ჯგუფმა პრეზენტაციის დროს გამოიყენა სლაიდშოუ.

ორივე ჯგუფმა იმუშავა და გამოუშვეს კედლის გაზეთი საინტერსო მასალებით.კედლის გაზეთისათვის პითაგორას პორტრეტი დახატა ილიკო ტოფაძემ.

პრეზენტაციის დროს ჩართული იყო ყველა მოსწავლე.

პროექტის მასალები თავმოყრილია და ინახება ჩემთან.

ინგა ქასრაშვილი

პროექტის გეგმა

პროექტის სახელწოდება	პითაგორას თეორემა და მისი ზოგიერთი გამოყენება
პროექტის მთავარი იდეა	პროექტის განხორციელებისას მოსწავლეები გაეცნობიან პითაგორას თეორემის დასაბუთების სხვადასხვა გზას.ისწავლიან თეორემის გამოყენებით ამოცანების ამოხსნას და თეორემის გამოყენებას პრაქტიკული საქმიანობისას.
პროექტის აქტუალურობა	პროექტი მოსწავლეს განუვითარებს კვლევის უნარს,აღუძრავს მასალის შემდგომ ინტერესს,აღუძრავს სურვილს მიღებული ცოდნის გამოყენებით ამოხსნას სხვადასხვა ტიპის ამოცანები.
პროექტის მიზნები	მოსწავლემ შეძლოს პითაგორას თეორემის დასაბუთება და თეორემის გამოყენება ამოცანების ამოხსნისას.მათ.VIII.9,მათ.VIII.10.
მონაწილეთა ასაკი	14 წელი
პროექტის ხანგრძლივობა	2 კვირა
მოსალოდნელი შედეგები	მოსწავლეები გაეცნობიან პითაგორას შესახებ და პითაგორას თეორემის შესახებ ინფორმაციას.შეძლებენ თეორემის დასაბუთებას სხვადასხვა გზით.თეორემის გამოყენებით მართკუთხა სამკუთხედის გვერდებს შორის კავშირის დამყარებას.თეორემის გამოყენებით მნიშვნელოვანი დებულებების დასაბუთებას,რომელსაც წარმატებით გამოიყენებენ ამოცანების ამოხსნისას.გამოუშვებენ კედლის გაზეთს.
პროექტისათვის საჭირო ძირითადი რესურსები	მათემატიკის მე–8 კლასის სახელმძღვანელო.ინტერნეტი.ფურცლები ნახაზებისთვის.კომპიუტერი.პროექტორი.
პროექტის მსვლელობა	კლასს გავაცნობ პროექტის მიზნებს.ჩამოვაყალიბებთ 2 ჯგუფს.თითოეული აირჩევს ლიდერს,რომელიც უხელმძღვანელებს ჯგუფის მუშაობას. გადავანაწილებთ სამუშაოს–პირველი ჯგუფი მოიძიებს ინფორმაციას პითაგორაზე და პითაგორას თეორემაზე.დაასაბუთებენ პითაგორას თეორემას სხვადასხვა გზით. მეორე ჯგუფი პითაგორას თეორემის გამოყენებით დაასაბუთებს ზოგიერთ მნიშვნელოვან დებულებას და ამ დებულებების გამოყენებით ამოხსნიან ამოცანებს. ორივე ჯგუფი იმუშავებს კედლის გაზეთის მასალების შერჩევაზე. ორივე ჯგუფი მოახდენს დამუშავებული მასალის პრეზენტაციას გაკვეთილზე.
შეფასება	მოსწავლეებთან ერთად შეთანხმებული რუბრიკით მოვახდენთ შედეგების შეფასებას.

სამკუთხედის პრეზენტაცია

https://drive.google.com/file/d/0B1PDa_0DYxxndUFkM0dPMzJyQ0k/view?usp=sharing

შთაბეჭდილება

ტრენინგის დასაწყისისათვის ჩემი განწყობა იყო ასეთი:ვფიქრობდი მაინც არაფერი გამომივა მეთქი, მაგრამ მაიკოს წყალობით  პირიქით -ბევრი რამ ვისწავლე და იმედია გამოვიყენებ.
   მადლობა ჩვენ ტრენერს-მაია ჯოხაძეს.

სიმეტრია ჩვენს გარშემო

პროექტის სახელწოდება:სიმეტრია ჩვენს გარშემო
პროექტის მთავარი იდეა:მოსწავლეები გაიუმჯობესებენ სიმეტრიის აღქმის უნარს.

პროექტის აქტუალურობა:სიმეტრიის აღქმა ხელს უწყობს მოსწავლეების ესთეტიკური გემოვნების ჩამიყალიბებას

პროექტის მიზნები:განუვითაროს მოსწავლეებს სიმეტრიის აღქმის უნარი (შეძლოს გარემომცველ ობიექტებს შორის მოიძიოს სიმეტრიული ობიექტები.დახაზოს ბრტყელი ფიგურის სიმეტრიული ფიგურა მითითებული სიმეტრიის ღერძის მიმართ.მიუთითოს სიმეტრიის ღერძი. მოახდინოს სიმეტრიულობის დემონსტრირება. გამოიყენოს ფიგურის სიმეტრიულობა მისი თვისების დასადგენად.

მონაწილეთა ასაკი:13 წელი.

ხანგრძლივობა:10 დღე.

მოსალოდნელი შედეგები:მოსწავლეები 
მოიძევენ სიმეტრიის შესახებ მასალებს,შეაგროვებენ მათ გარშემო არსებული სიმეტრიული საგნების სურათებს როგორც ბუნებაში არსებულს,ასევე ხელოვნებაში,ლიტერატურაში,გეომეტრიულ ფიგურებში.დაამზადებენ ბუკლეტებს.

პროექტისათვის საჭირო ძირითადი რესურსები:კომპიუტერი, პროექტორი, ფოტოაპარატი,VII-XIკლ.მათემატიკის სახელმძღვანელო,ინტერნეტი.

პროექტის მსვლელობა:

1.                  პროექტის გეგმის შემუშავება კლასთან.

2.                  კლასის დაყოფა 3 ჯგუფად და სამუშაოს განაწილება

3.                  ჯგუფებში სამუშაოს გადანაწილება.

4.                  აქტივობების განხორციელება:

1)სახელმძღვანელოებიდან და ინტერნეტიდან  მოიძევენ მასალას თუ რა არის სიმეტრია, სიმეტრიის რამდენი სახე არსებობს,რომელ სფეროებს უკავშირდება.

2)შეაგროვებენ ფოტომასალას მათ გარშემო არსებული სიმეტრიული საგნების შესახებ,ასევე ინტერნეტიდან მოიძევენ სურათებს და წარმოადგენენ კოლაჟის სახით.

3) შეისწავლიან ქართული ანბანის ასოებში სიმეტრიას, ქართველ მწერალთა გამონათქვამებში სიმეტრიას,მათემატიკაში-რიცხვებში,გეომეტრიულ ფიგურებში.

5. პრეზენტაციის მომზადება და პრეზენტაცია.

6. პროექტის შეფასება.

საგნებთან/საგნობრივ ჯგუფებთან/ეროვნულ სასწავლო გეგმასთან კავშირი:  ბიოლოგია, ხელოვნება,ქართული ენა და ლიტერატურა.

მათ. VII.10. მოსწავლეს შეუძლია გეომეტრიული ობიექტების წარმოდგენა ამოცანის კონტექსტის შესაბამისად.

მათ. VII.11.       მოსწავლეს შეუძლია გეომეტრიული გარდაქმნების განხორციელება და მათი გამოყენება ფიგურათა თვისებების დასადგენად.

პროექტის ხელმძღვანელი (მასწავლებელი):   ინგა ქასრაშვილი

ხელმძღვანელის ელ. ფოსტა:   ingaqasrashvili @ gmail.com

პროექტის ვებ-გვერდი/ბლოგი: ingaqasrashvili.blogspot.com

ჩემს შესახებ

მე ვარ ინგა ქასრაშვილი, 42წლის,ვმუშაობ თერჯოლის რაიონის სოფელ ზედა სიმონეთის საჯარო სკოლაში მათემატიკის მასწავლებლად.მყავს მეუღლე და2 შვილი